ODS 13 – Acción polo clima
Metas
Meta 13.1
13.1 Fortalecer a resiliencia e a capacidade de adaptación aos riscos relacionados co clima e os desastres naturais en todos os países.
Meta 13.2
13.2 Incorporar medidas relativas ao cambio climático nas políticas, estratexias e plans nacionais.
Meta 13.3
13.3 Mellorar a educación, a sensibilización e a capacidade humana e institucional respecto da mitigación do cambio climático, a adaptación a el, a redución dos seus efectos e a alerta temperá.
Meta 13.a
13.a Cumprir o compromiso dos países desenvolvidos que son partes na Convención Marco das Nacións Unidas sobre o Cambio Climático de lograr para o ano 2020 o obxectivo de mobilizar conxuntamente 100.000 millóns de dólares anuais procedentes de todas as fontes a fin de atender as necesidades dos países en desenvolvemento respecto da adopción de medidas concretas de mitigación e a transparencia da súa aplicación, e poñer en pleno funcionamento o Fondo Verde para o Clima capitalizándoo canto antes.
Meta 13.b
13.b Promover mecanismos para aumentar a capacidade para a planificación e xestión eficaces en relación co cambio climático nos países menos adiantados e os pequenos Estados insulares en desenvolvemento, facendo particular fincapé nas mulleres, os mozos e as comunidades locais e marxinadas.
* Recoñecendo que a Convención Marco das Nacións Unidas sobre o Cambio Climático é o principal foro intergobernamental internacional para negociar a resposta mundial ao cambio climático.
