ODS 3 – Saúde e benestar
Metas
Meta 3.1
3.1 Para 2030, reducir a taxa mundial de mortalidade materna a menos de 70 por cada 100.000 nados vivos.
Meta 3.2
3.2 Para 2030, poñer fin ás mortes evitables de recentemente nados e de nenos menores de 5 anos, logrando que todos os países tenten reducir a mortalidade neonatal polo menos ata 12 por cada 1.000 nados vivos, e a mortalidade de nenos menores de 5 anos polo menos ata 25 por cada 1.000 nados vivos.
Meta 3.3
3.3 Para 2030, poñer fin ás epidemias da SIDA, a tuberculose, a malaria e as enfermidades tropicais desatendidas e combater a hepatite, as enfermidades transmitidas pola auga e outras enfermidades transmisibles.
Meta 3.4
3.4 Para 2030, reducir nun terzo a mortalidade prematura por enfermidades non transmisibles mediante a prevención e o tratamento e promover a saúde mental e o benestar.
Meta 3.5
3.5 Fortalecer a prevención e o tratamento do abuso de substancias adictivas, incluído o uso indebido de estupefacientes e o consumo nocivo de alcol.
Meta 3.6
3.6 Para 2020, reducir á metade o número de mortes e lesións causadas por accidentes de tráfico no mundo.
Meta 3.7
3.7 Para 2030, garantir o acceso universal aos servizos de saúde sexual e reprodutiva, incluídos os de planificación da familia, información e educación, e a integración da saúde reprodutiva nas estratexias e os programas nacionais.
Meta 3.8
3.8 Lograr a cobertura sanitaria universal, en particular a protección contra os riscos financeiros, o acceso a servizos de saúde esenciais de calidade e o acceso a medicamentos e vacúas seguros, eficaces, alcanzables e de calidade para todos.
Meta 3.9
3.9 Para 2030, reducir substancialmente o número de mortes e enfermidades producidas por produtos químicos perigosos e a contaminación do aire, a auga e o chan.
Meta 3.a
3.a Fortalecer a aplicación do Convenio Marco da Organización Mundial da Saúde para o Control do Tabaco en todos os países, segundo proceda.
Meta 3.b
3.b Apoiar as actividades de investigación e desenvolvemento de vacinas e medicamentos para as enfermidades transmisibles e non transmisibles que afectan primordialmente aos países en desenvolvemento e facilitar o acceso a medicamentos e vacinas esenciais alcanzables de conformidade coa Declaración de Doha relativa ao Acordo sobre os ADPIC e a Saúde Pública, na que se afirma o dereito dos países en desenvolvemento a utilizar ao máximo as disposicións do Acordo sobre os Aspectos dos Dereitos de Propiedade Intelectual Relacionados co Comercio no relativo á flexibilidade para protexer a saúde pública e, en particular, proporcionar acceso aos medicamentos para todos.
Meta 3.c
3.c Aumentar substancialmente o financiamento da saúde e a contratación, o desenvolvemento, a capacitación e a retención do persoal sanitario nos países en desenvolvemento, especialmente nos países menos adiantados e os pequenos Estados insulares en desenvolvemento.
Meta 3.d
3.d Reforzar a capacidade de todos os países, en particular os países en desenvolvemento, en materia de alerta temperá, redución de riscos e xestión dos riscos para a saúde nacional e mundial.
