ODS 15 – Vida de ecosistemas terrestres
Metas
Meta 15.1
15.1 Para 2020, velar pola conservación, o restablecemento e o uso sostible dos ecosistemas terrestres e os ecosistemas interiores de auga doce e os servizos que proporcionan, en particular os bosques, os humidais, as montañas e as zonas áridas, en consonancia coas obrigacións contraídas en virtude de acordos internacionais.
Meta 15.2
15.2 Para 2020, promover a xestión sostible de todos os tipos de bosques, poñer fin á deforestación, recuperar os bosques degradados e incrementar a forestación e a reforestación a nivel mundial.
Meta 15.3
15.3 Para 2030, loitar contra a desertificación, rehabilitar as terras e os chans degradados, incluídas as terras afectadas pola desertificación, a seca e as inundacións, e procurar lograr un mundo cunha degradación neutra do chan.
Meta 15.4
15.4 Para 2030, velar pola conservación dos ecosistemas montañosos, incluída a súa diversidade biolóxica, a fin de mellorar a súa capacidade de proporcionar beneficios esenciais para o desenvolvemento sostible.
Meta 15.5
15.5 Adoptar medidas urxentes e significativas para reducir a degradación dos hábitats naturais, deter a perda da diversidade biolóxica e, para 2020, protexer as especies ameazadas e evitar a súa extinción.
Meta 15.6
15.6 Promover a participación xusta e equitativa nos beneficios que se deriven da utilización dos recursos xenéticos e promover o acceso adecuado a eses recursos, como se conveu internacionalmente.
Meta 15.7
15.7 Adoptar medidas urxentes para poñer fin á caza furtiva e o tráfico de especies protexidas de flora e fauna e abordar a demanda e a oferta ilegais de produtos silvestres.
Meta 15.8
15.8 Para 2020, adoptar medidas para previr a introdución de especies exóticas invasoras e reducir de forma significativa os seus efectos nos ecosistemas terrestres e acuáticos e controlar ou erradicar as especies prioritarias.
Meta 15.9
15.9 Para 2020, integrar os valores dos ecosistemas e a diversidade biolóxica na planificación nacional e local, os procesos de desenvolvemento, as estratexias de redución da pobreza e a contabilidade.
Meta 15.a
15.a Mobilizar e aumentar de maneira significativa os recursos financeiros procedentes de todas as fontes para conservar e utilizar de forma sostible a diversidade biolóxica e os ecosistemas.
Meta 15.b
15.b Mobilizar un volume apreciable de recursos procedentes de todas as fontes e a todos os niveis para financiar a xestión forestal sostible e proporcionar incentivos adecuados aos países en desenvolvemento para que promovan dita xestión, en particular con miras á conservación e a reforestación.
Meta 15.c
15.c Aumentar o apoio mundial á loita contra a caza furtiva e o tráfico de especies protexidas, en particular aumentando a capacidade das comunidades locais para promover oportunidades de subsistencia sostibles.
